..Af Söru Ísold í fjósinu á Kambi eru komnar inn á síðurnar hjá gullunum mínum. Hún elskar fjósið en Danía Rut er svo pjöttuð að hún vill alls ekki sjá fjósið. Kíkið á miðdúlluna mína Hún er svooo sæt eins og þær allar eru reyndar

.... Ég er ein í Reykjavík. Eða sko ekki alveg ein en Davíð og stelpurnar eru fyrir norðan í sveitasælunni hjá foreldrum Davíðs. Ég er aðeins búin að vera að vinna og gera ýmislegt annað. En það er rosaleg skrýtið að vera allt í einu svona ALEIN. Ég hef ekki verið svona ein síðan Danía Rut fæddist og það eru bráðum 4 ár síðan það var. Ég er búin að sooofa mikið og vera lítið heima og er búin að hafa það mjög notalegt. En ég sakna þeirra mjög mikið. Ég hringdi í fyrradag og talaði við Söru Ísold en henni finnst mjög gaman að tala í símann. Ég spurði hana hvort hún væri hjá pabba og hún jánkaði því og sagði svo "mamma heima bassa bins mjá" eða sko "mamma heima passa Prins Mjá" en þetta var svoooo sætt. Hún vissi sko alveg hvað ég var að gera. Svo spurði ég hana hvort hún saknaði mömmu og hún sagði já. Ohhh, mig langaði nú bara að knúsa hana í gegnum símann. Ég spjallaði líka aðeins við Daníu Rut en hún er ekki eins símasjúk og Sara Ísold en hún sagði allavega að hún væri hjá afa en ekki mamma. Þær eru svo yndislegar. Ég heyrði svo aðeins í Þóreyju Erlu babla en hún sagði bababababa, Davíð er líklega búinn að vera að innprenta þetta í hana

En jæja, ég er núna heima hjá henni Írisi systur minni. Ég er að passa dúllurnar hennar. Þær eru sofnaðar litlu skvísurnar. Gaman að fá aðeins að knúsa þær fyrst mínar dúllur eru svona langt í burtu. Ég ætla ekki að hafa þetta lengra núna. En hafið það voða gott og mikið væri gaman að sjá smá kvitt í kommentin... Hver sem þú ert.... Arna

P.S. Davíð er aftur byrjaður að blogga Sjáið link á síðuna hans hér til vinstri

... Er orðinn stúdent og ég er svooo montin. Ég var að setja inn myndir á síður stelpnanna minna og þar getið þið séð hann með húfuna sína. Ég setti auðvitað líka inn helling af myndum af stelpunum. Jæja, ætla að halda áfram að glápa á Júróvisjón. Eigið gott kvöld og góða helgi. Arna

Ég blogga bara ef ég er hjá pabba og mömmu eða tengdó og núna er ég hjá tengdó svo ég nýti mér tækifærið. Það helsta að frétta hjá mér og mínum er að Davíð var að klára skólann um daginn og er að fara að útskrifast sem stúdent. Það er mikið gleðiefni hjá okkur því hann er búinn að vera að klára hann í svolítinn tíma og vinna með og vera bara svakalega duglegur. Svo núna er hann bara orðinn stúdent og stefnir á sagnfræði í HÍ í haust. Ég er svo montin af honum. Það hefur ekki verið auðvelt alltaf fyrir hann að vera margfaldur pabbi og að vinna og í skóla svo ég er bara mjööög stolt af mínum manni.

En við erum semsagt hérna í sveitinni fjölskyldan og það er alltaf jafn gott og afslappandi að koma hingað. Hér inni hjá tengdó býr fyrirburi sem heitir Salomón svarti en hann er lítið lamb sem fæddist fyrir tímann. Mér finnst hann agnarsmár og mjööög sætur. Doris var að gefa honum pela áðan og ég held að stóru stelpurnar mínar hafi verið svolítið hissa á þessu. Ég ætla nú ekki að hafa þetta neitt voðalega langt en ég verð að segja frá einu svooo sætu sem gerðist í gær. Danía Rut og Sara Ísold voru að fara að sofa og Sara Ísold var alltaf að koma niður, hún er nýbúin að læra að príla úr rúminu sínu nema hvað. Eftir að ég var búin að fara svona 6 sinnum með hana upp í sitt rúm þá hætti hún að koma niður svo ég fór upp að gá að henni. Hélt hún væri kannski farin að leika sér mjöög hljóðlega. En nei, ég fann hana liggjandi á gólfinu við hliðina á rúminu hennar Daníu Rutar, ofan á rúmteppi systur sinnar og hún var steinsofnuð. Hún hefur viljað vera nálægt systur sinni. Þetta var svooooooo sætt enda á ég bara sæt börn.... Hehe.. Ein hlutlaus.

Ég hef líka góðar fréttir af henni Daníu Rut minni en hún er að bæta svo mikið við sig síðan hún fékk gleraugun að það er bara alveg frábært. Það eru að bætast við ný orð nánast á hverjum degi. Hún er líka hætt með bleyju og það er sko munur. Hún er einnig búin að ná helling af markmiðum sínum í leikskólanum en það voru ýmis markmið sem hún þurfti að ná og nú hefur hún náð sumu og nú þarf að fara að finna ný markmið. Hún er svo dugleg dúllan mín og hún er svooo sæt með gleraugun. Ég held að allir sem hana þekkja séu sammála mér

 En ég ætla ekki að hafa þetta lengra núna. Guð geymi ykkur, Arna E.